Cosmic Writting

Mimal Ngaitua na a inziak mai a chang...................

6th May of 2019.

Khua khatka a oma, 'Tui ra Khua', ma ram a chun Thlangval Hmeltha êm êm ka a oma, (Hmeltha mai zuk ti hin a hroi ei'n sita, athat ziah nih a en an hoi ziah chu ei hril hnong nawh), ama chu Nu nih Pa tongin ngai mi fê, Thlangval fel tak a chang a, lekha hom i thiam thei mi fê a chang. Phâia sina nek fak inzong mi an changa, Bu, suang ding thil chi tin reng in chinga, loia thil sabeia insung dong incha lei mi an chang, mi angkan thil tha, thil thar a nâipa an pek thei loi ziah a hnianga an in thlung chun, ani chun Pa Nu khawvel a thil thar, thil tha a inlang a hei hi keichun ki um nawh, keichun mahei chu alian pua ki siam nawh, keia ding a ihlu chem chu nin hmangaina hi a chang, ki idit nih ki i tul chem chu mahi a chang, 'Pathian in dam sawtna hei nang ni pe siala, hrisel na in nangni in thuam siala' tihi ki tongintai na a chang, chun, ki Pa, ki dingin sin sawlin nin tin ni oma, ki fak ding, ki thil tul ne ngaitua pekin, nisa intak tin reng bâse loi'n keima dinga ni ituar ahi a roiinpui chem, ati pek a chang chun, ki Nu nin tin zinga ithoin ki fak ding hei isiam in, sun khua in ki fak ding nih ki thil tul hei ne ngaitua pekin ni lungril ni hmang a, ki zal ki in hmâka ne lung kham in ni lungril nen sawla, mahei hi a roinpui chem keima ding chun, ati pek a chang.....

 A Nu nih Pa chun an ngaitua akai em em a, an lawm a, an kua vong vonga, an hlimain an lawm em em a chang.

Hun a hong kal zela, lekha zir ding in Ram danga i om dingin hun ahong thlung chun a ngaitua akai fe a, ringom fekan an thla a, ngoia  *'cham kom laia insum rawh, changhomsiala cham kom hi alian pu a chang nawh, mania sia ni tha ihoi thei hi alian pu zawk a chang'* tihi a Nu nih Pa tong in cha tawp chu aloi chang.......... (An tong in cha tawp chang ding homa an in beisei nawh lai'n)..........

A zir na hmun chu a thlung chun, Nunghak hmeltha, cham kom tamka, in chong fe insung an thoka hong suak hei chu a cham an hong chang ta a, mangka chun ahun ahong hmang zela, A Nu nih Pa tong incha chu in hnil in, inhai thei thil tin reng hong ifa in ahong om ta a, mangka chun anun chu ahong dangin lam ta a, nika hom damdawi nih inhai thei thil tin reng thaw loi'n a om thei tak nawh a, ataksa hei ahong siat a, a hmel hei ahong dangin lam a, hun ahong kal zela, a zirna hom chu imong ding in a hong om ta a, mangka chun nika chu Doctor a an check up a, Doctor chun a hnianga ati pek chu, Thlangval iding rei mo mangka hin ni nun khua hi ni hmang? Ni taksa Pathian in mal a sawm sei, inkata mo ni oi angkan ni taksa chunga thu ni nei? Ki thiam na zong zong nih ki neina zong zong hmangin nang en kol hom in lang nangma ding chun ma khawvel hun hi chu a sawt ta nawh ding a chang hi¡¡!!!!! Ati pek chun a ngaitua akai fe a, alung a sawl fe a chang, a Nu nih Pa tong incha chu ahoi ta rum rum a chang. Khawvel om bei na in a Nu nih Pa an hnil tira, Thlangval fel fê a in thokin tuna a ding hmun hi a hong thlung ta a chang.

Ei zuk iti awi chem chu, Cham kom hi chu atha asia hom ei nei mai thei khawvel a ei om a chang lei'n, changrawchu mania sia ni tha nih ane siampu ei Lalpa Pathian hi ei'n hnil chun boiral na ram chun ei ding in loi'n hong ati.. Hmangaina hlutzia nih Nunna hlutzia hi chu rangkachak lunghlu hnek homa ivar, Rangkachak nih thil dang dang hi chu a class in ei then theia, changrawchu Nunna hi chu voika chei ei inei a chang, additional/adang pek belsa in ei om nawh a, malein ei Nunna hi loi hmangai rei, Ni taksa dinga thaloi chu iding mo fa kher kher ding? Tho kher kher ding? Ei chai hnung chei'n mo, ei tak hun chei'n mo, ei lung an riang hnung chei'n mo Nu nih Pa in tong tha an ni hril hei ei hoi ding, Pathian ei hoi ding?

Zuk Ngaitua vang vang ta U.. Ma Thlangval han a nun chu a awi dan angka takin a hmang a, a Nu nih Pa tuar aw ding ngaitua loi'n, A Nu nih Pa in ma thu chu an hoi tikin inkan mo khawvel eng ahin an nun khua hmang ta anti, an lungril na nawh ni bei?

Ei mani tianga loi hang inbel rei, imo nang te ne ngaive dan? Ma thu a hin ti thei ni nei a om ve bei?

Thanks for Reading.