Fictional Writting

Fic-Writting

Pic. Source: Internet

Khawvel in êng dan chu ahong dangin lam ta a, nêk fâk, ei thil tul chi tin rêng, inzong dan hei hom ahong dangin lam tan ta rît a, ei nun dan hei, ei om dan hei hom ahong thlâkinthleng tan ta a, ei lung ahong zîng tan ta a, mihriam/manmasi ngaitua chu akai ta fê a, athen in mahi a chang hi khawvel thlâk inthleng chu antia, athen in khawvel a tawp mai ding a chang ta hi ti in an lungril ngaituana chu a sawl ta fê a, changhomsiala athen ngaitua na a chun, khawvel hi chu an thleng nawh a, khawvel hom hi manka hi chun tawp nawh ni ti na lungril annei a, i chem mo aw a san hi ti in an zong a an ngaitua lai chun, athen lungrila thil hong thlung ve nawk chu, mihriam/manmasi chunga mo an inphur nawk ta a, mihriam vârna insual lei a chang manka ta thil ei i thlung hi ti in athen chun an ngaitua akai nâwk fê a, changhomsiala a ipu mo adik pu nih a ipu mo asan pu char chu an ti thei chuang nawh a, manka chun hun nih ni nei ahong kal zêl chun, thil tamka ahong dangin lam ta hlek hlek a, natna ti om fê, natna dang dang in mihriam taksa chu ahong sip ta a, khawvel a mi thiam, Doctor hei lungzing chel khop natna khir khâk in manmasi taksa chu ahong tuam ta zawk a.

Mi tin lungril a siat a, mitin ngaitua akai ta fê a, hun hei chu ahong ral zêla, manka chun athen lungrila thil hong om nawk chu mahi a chang, 'mihriam in ei taksa nih ei nunna chunga thu ei nei ei'n son kârin ei nei loi zia nih thil ei thaw thei loi zia chu an hong hôi suak ta a, manka chun an ngaitua chu akai nâwk fê ta a, imo ki loi ithaw sual tiang ti in an lungril a an in ngaitua tan ta a, changhomsiala atu hom in 'Keima lei a chang hi manka ta natna khir khâk kin itong hi' tina lungril annei nawh a.

Mi siatna ni zong hmâ in ni famkim loina ha hoi chiang lak phot rawh, Tûhom mo inphur nawh rawh, mi mo nen phur hmâ in ni tlâksam na ha zong la zawk rawh.

Tha inti nawh rawh,Thiam hom inti nawh rawh, Vâr nih Fel hom inti nawh rawh, changrawchu That awina, Thiam awina, Vâr awina, Fel awina tin reng hei chu lungril takan anei tum zawk rawh.

Thank_You.